PINDA: HATUTAKI DINI KWENYE HOJAJI ZA SENSA

Na Isaac Sifa Kikula, 

Dar es Salaam.

Waziri Mkuu MIZENGO PINDA amesema serikali haipangi vipaumbele vya maendeleo kwa kuzingatia vigezo vya dini.

Amesema madhumuni ya kufanya sensa ni kuiwezesha serikali kupanga vipaumbele vya maendeleo na kwamba uwepo wa kipengele cha dini kwenye hojaji za sensa kungeleta hisia za kidini kwenye upangaji wa vipaumbele vya maendeleo.

Waziri Mkuu PINDA amesema hayo asubuhi hii wakati akijibu maswali ya papo kwa papo ya waheshimiwa wabunge bungeni mjini Dodoma.

MISRI YAFANYA MASHAMBULIZI SINAI

Misri imetumia Helicopter kufanya mashambulizi ya mizinga dhidi ya wakereketwa wenye imani kali walio katika eneo la Sinai tangu mwaka 1973 katika kile jeshi la Misri lililochotaja kama shambulio la kurejesha utulivu.

Matumizi ya anga ni ishara ya mabadiliko ya vita vya Misri dhidi ya wakereketwa wa Kiislam ambao wamezidisha shughuli zao katika eneo lenye milima na jangwa lenye mpaka na Israili na Gaza.

Mapema wiki hii wapiganaji wakereketwa waliishangaza Misri kwa ujasiri wao kwa shambulizi ambamo askari 16 waliuawa, magari ya jeshi yakaibwa na kuelekea Israel kwa lengo la kujaribu kufanya shambulio jingine.

Katika taarifa iliyosomwa kwenye televisheni ya taifa jeshi limesema kua limeanzisha operesheni ya mchanganyiko wa vikosi kwa kutaka kurejesha utulivu huko Sinai, majeshi yakiungwa mkono na Jeshi la anga.

Shambulio la siku ya jumapili ndio baya kuwahi kufanywa huko Sinai kwa miaka mingi na hatari kuliko yote dhidi ya vikosi vya Misri ikiashiria ongezeko la vitendo vinavyokiukaq sheria katika eneo hilo.

Katika tukio la hivi karibuni, watu wenye silaha waliwafyatulia risasi walinzi kwenye vizuizi huko El -arish, mji mkuu wa Wilaya ya Sinai, mji ulio umballi wa kilomota 50 kutoka mpaka wa Gaza na Israili.

Ghasia kwenye mpaka wa Israel na Misri inaweza kutishia mkataba wa amani baina ya nchi hizi mbili.

Hio ndio sababu Israel imeiambia Misri ichukue hatua za kusuluhisha vurugu badala yake kupeleka vikosi vyake. Israel imekubali kuondoa baadhi ya masharti yanayozuwia shughuli za kijeshi katika Sinai ili Wa Misri waweze kuingiza vikosi zaidi.

Lakini uvamizi wa Misri dhidi ya kile walichokiita magaidi hautobadili lolote katika sehemu ya Sinai inayokaliwa na makabilia ya Wa Bedwini wenye fikra huria.

Ni eneo linalovutia kwa makundi ambayo yangependa kutumia sehemu isiyokua na utaratibu wowote wa uongozi kwa aijili ya kuifika Israili.

Rais wa Misri Mohammad Mursi aliahidi kwamba atadhibiti eneo la Sinai kwa ukamilifu.
chanzo: BBC

MEMBE ALIFUNGWA MDOMO??

KAULI iliyotolewa na Rais Jakaya Kikwete kwamba hakuna ushahidi wa kuwashtaki watuhumiwa rushwa ya rada, inaonekana kumfunga mdomo Waziri wake wa Mambo ya Nje na Ushirikiano wa Kimataifa, Bernard Membe ambaye aliwahi kuahidi kwamba angewataja watuhumiwa hao.

Rais Kikwete alipokutana na wakuu wa vyombo vya habari wiki iliyopita, alisema Serikali inashindwa kuwashtaki waliotuhumiwa katika suala hilo kutokana ukweli kwamba hata Uingereza walikana Kampuni ya BAE Systems kutoa rushwa na badala yake wakasema ilikosea katika kuandika hesabu zake.
                                                                
Wakati Rais Kikwete akisema hakuna ushahidi wa kuwashtaki watuhumiwa wa rushwa ya rada, tayari Membe alikuwa amesema watuhumiwa wapo, anawajua na aliahidi kwamba angewataja bungeni.

Hata hivyo, Membe aliyewasilisha Hotuba ya Makadirio ya Matumizi ya wizara yake bungeni juzi, alishindwa kutekeleza ahadi yake licha ya kutakiwa kufanya hivyo na baadhi ya wabunge, wakiongozwa na Waziri Kivuli wa wizara hiyo, Ezekia Wenje ambaye pia ni Mbunge wa Nyamagana (Chadema).

Juzi, kabla Membe hajasoma hotuba yake, Waziri wa Katiba na Sheria, Mathias Chikawe alitoa taarifa rasmi ya Serikali bungeni kuhusu suala hilo na alisema kuwa, hakuna mtuhumiwa wa rada anayeweza kupelekwa mahakamani na kutamka kwamba mjadala kuhusu suala hilo umefungwa rasmi.

story nzima soma   www.mwananchi.co.tz
Chanzo;mwananchi

Comments za wasomaji

+1 #7 Msomi Halisi 2012-08-08 11:10

Ushahidi unakosekanaje hata kabla ya uchunguzi kufanyika? Kwa nini Kikwete ndiye wa kutoa uamuzi wakati mahakama ndio zinazosimamia masuala ya sheria?

Quote

+1 #6 Paul David 2012-08-08 10:37

Kikwete na wenzake ndio wahusika wa rada, kwa nini anamzima membe mdomo au ndio anataka kumfagilia Lowasa na Chenge kwenye uchaguzi mwaka 2015 wa Urais?

Quote

-7 #5 Michi Ndemfoo 2012-08-08 10:29

Mwandishi, kuna tofauti kati ya "ushahidi" wa kimahakama na "ushahidi" wa kisiasa. Kamwe usichanganye sheria na siasa!!

Quote

+2 #4 chapombe 2012-08-08 10:13

Katika hii nchi yetu, ni ukweli usiopingika huyu Raisi wetu ndiye fisadi namba moja... maana kila kitu anajaribu kuuficha ukweli ...!!

Quote

+4 #3 Mokanda 2012-08-08 09:36

JK anatakiwa aelewe kuwa watanzania anaowaongoza sio wale walioongozwa na JK miaka ya sabini

Jifurahishe lakini naamini ipo siku maskini wakitanzania ataweza kunywa uji wenye sukari

Quote

-2 #2 Magembe 2012-08-08 09:15

Nafikili cha muhimu ni sisi wananchi kuamua kuwachagua viongozi wazalendo na sio wapenda magendo.

Quote

+2 #1 Magembe 2012-08-08 09:14

Mbuzi wa bwana heri na shamba la bwana Heri hivyo si ajabu Bwana Heri [NENO BAYA]liza mjadala huo.

Quote

DAWA YA WAASI WA M23 WA DRC YAIVA

Viongozi wa mataifa ya eneo la maziwa makuu walioko mjini Kampala kwa kikao cha kutafuta suluhisho la mzozo wa kivita mashariki mwa Jamhuri ya Kidemokrasi ya Kongo, wamekubaliana kuunda jeshi la pamoja kulinda usalama katika eneo la mashariki mwa DRC.

 kutoka kushoto; Rais Paul Kagame wa Rwanda, Jakaya Kikwete wa Tanzania, Yoweri Museveni wa Uganda na Joseph Kabila wa DRC kwenye kikao kilichofanya uamuzi huo, Kampala Uganda.

Baada ya kikao kilicho kufunguliwa jana na rais Yoweri Museveni wa Uganda na kuhudhuriwa na marais watano kutoka mataifa ya eneo la maziwa makuu ni moja ya mikakati ya kumaliza mzozo wa mashariki mwa Kongo.

Akizungumza na waandishi wa habari mjini Kampala, waziri wa mashauri ya nchi za kigeni wa Uganda Oriem Okelo, amesema mataifa wanachama yamekubaliana kubuni jeshi la pamoja kulinda amani Mashariki mwa Jamhuri ya Kidemokrasia ya Congo. Lakini amesema mawaziri wa ulinzi kutoka mataifa hayo watakutana kuchukuwa uamuzi wa mwisho kuhusu kubuniwa kwa jeshi hilo.

Wahenga walisema vita haina macho. Vita vinavyoendelea Mashariki mwa DRC vimesababisha maelfu kukimbia makazi yao.

 

''kikosi kitakachobuniwa kitakuwa kama kile cha Umoja wa Mataifa au Umoja wa Afrika na ni sharti Rwanda na Jamhuri ya Kidemokrasia ya Congo zikubaliane,'' amesema Bw. Okelo.

Mkutano huo wa mawaziri wa ulinzi utafanyika tarehe 15, mwezi huu wa Agosti.

Bwana Okelo amesema marais wa Rwanda Paul Kagame na Joseph Kabila wa Jamhuri ya Kidemokrasia ya Congo wameafikia makubaliano na sasa ''wanazungumza kwa simu na hawana matata.''

Mwenyekiti wa kikao hicho cha viongozi wa eneo la maziwa makuu rais wa Uganda Yoweri Museveni alifanya kikao cha faragha na Bw. Kagame anayeshutumiwa na baraza la usalama la umoja wa mataifa kwa kutoa msaada kwa waasi wa M23 katika eneo la mashariki mwa DRC.

Kiongozi wa kisiasa wa kundi la M23

 

Kadhalika alifanya mashauri na Bw. Kabila.

Kabla ya kikao hicho kinachokamilika leo hii kuanza, Bw. Museveni, baada ya ufunguzi rasmi aliwaagiza waandishi wa habari kuondoka mara moja na pia kuliagiza shirika la utangazaji nchini Uganda UBC kutopeperusha yale yaliyokuwa yakijadiliwa katika mkutano huo moja kwa moja.

Mwandishi wa BBC mjini Kampala anasema hiyo ni dalili kuwa huenda kulikuwa na ubishi mkali katika mkutano hu

VITI VIPYA VYA BUNGE LA KENYA

Bunge la Kenya lililokarabatiwa na ambalo limekuwa gumzo kubwa kwa sababu ya gharama ya viti vya bunge hilo, hatimaye limefunguliwa rasmi na rais wa nchi hiyo Mwai Kibaki.

Viti hivyo vimegharimu dola 3,000 za kimarekani kwa kila kiti kimoja vikiwa jumla ya 350 vimetengenezwa na kitengo cha magereza nchini humo.

Zabuni ya kwanza ya kutengeneza viti hivyo ilitolewa kwa kampuni moja ya nje lakini ilifutwa baada ya baadhi ya wabunge kugundua kila kiti kingegharimu dola 5000 za kimarekani.

Maafisa wanasema ukarabati huo uliogharimu dola milioni 12 utaliweka bunge katika mfumo mpya wa kisasa wa komputa.

"Mabadiliko tunayoyafanya yataleta mabadiliko chanya katika uongozi," spika wa bunge Kenneth Marende ameiambia BBC.

Amesema mfumo wa kupiga kura wa elektroniki utawawezesha wabunge kupiga kura kwa uhuru wao binafsi kuliko kulazimika kupiga kura kwa kuhofia vyama vyao.

"sasa mbunge atakuwa peke yake, huru kabisa binafsi, atafanya maamuzi yake na kubonyeza tu kitufe."

Viti vya Bunge la zamani la Kenya

Mwandishi wa BBC Odeo Sirari mjini Nairobi, anasema baadhi wanaona viti hivyo kuwa ni vya gharama kubwa sana kuliko mabunge mengine katika jumuiya ya madola.

Waziri mkuu wa Kenya Raila Odinga na rais Mwai Kibaki pamoja na wabunge ni miongoni mwa wanaolipwa mshahara wa juu sana barani Africa.

Wabunge walifurika katika jengo hilo lililokarabatiwa wakati rais na spika wakiongoza utaratibu wa sherehe za ufunguzi.

Ukarabati huo ulianza mwezi Aprili mwaka 2010 na ulikuwa umepangwa kuchukua mwaka mmoja kumalizika lakini ulichelewa kwasababu ya utata ulioghubika zabuni yake, mwandishi wetu anasema.

Mbunge John Mbadi, katika kamati ya uwekezaji aliongoza upinzani juu ya zabuni ya kwanza.

"hatukuweza kuelewa ni kwa vipi wabunge wangekuwa wanakaa katika viti vinavyogharimu karibu shilingi 400,000 za Kenya kama dola 5,000, ambazo kwa kiwango chochote cha kawaida zingeweza kujenga nyumba kwa wananchi kadhaa," ameiambia BBC.

"ilikuwa ni upuuzi," amesema.

Mwandishi wetu anasema watu wengi wamelalamika kuwa gharama za sasa bado ni juu.

David Langat, anayesimamia uzalishaji katika magereza nchini Kenya, amesema vifaa vyote vilivyotumika vilitoka nchini Kenya lakini gharama za viti zimekuwa kubwa sana.

Ameiambia BBC kuwa viti hivyo vyenye uzito wa kilo 50 kila kimoja vina kinga dhidi ya moto na vina dhamana ya miaka 30.

Kwa sasa Kenya ina jumla ya wabunge 220 lakini ukumbi huo umewekwa viti 350 idadi ambayo watachaguliwa katika uchaguzi ujao mwezi Machi kwa mujibu wa katiba mpya.

chanzo:BBC