WATOTO WA WACHUNGAJI KKKT WAFUNDWA

  

Baaadhi ya watoto wa wachungaji wa KKKT-Dayosisi ya Mashariki na Pwani wakiwa kwenye hafla yao iliyofanyika kwenye ukumbi wa Azania Front jijini Dar es Salaam hivi karibuni. 

Na Isaac Sifa Kikula,

Dar es Salaam.

Watoto wa wachungaji wametakiwa kuwa mfano wa kuigwa kwa kuishi maisha ya heshima, adabu, busara na utii na kujifunza kwa maisha ya Yesu Kristo ili waweze kufanyika Baraka katika jamii.

Akifungua hafla ya watoto wa wachungaji ambayo imefanyika kwenye ukumbi wa Azania Front jijini Dar es Salaam leo, Mchungaji ASTON KIBONA amewasisitizia watoto hao kuwa tabia zao zinatakiwa kutofautiana na tabia za watoto wengine wasio wakristo.

                  Watoto wa wachungaji wa KKKT-DMP katika hafla hiyo, aliyeshika kitambaa kati ni mtoto wa askofu Dr A. Malasusa.

Ian M. Lema, akiwasalimia wenzake kwenye hafla hiyo

Katika hafla hiyo, watoto wa wachungaji wamepata fursa ya kushiriki katika masomo mbalimbali ambayo yametolewa na Mwalimu Injinia MATHIAS MWAMBONA kutoka Kanisa la Chuo Kikuu cha Dar es Salaam (CCT Chaplaincy).

Mke wa Askofu Malasusa, Bibi Erica Malasusa, akizungumza na watoto wa wachungaji wa kanisa hilo

Akizungumza kwenye hafla hiyo, Mke wa Mkuu wa Kanisa la Kiinjili la Kilutheri Tanzania Askofu Dakta ALEX MALASUSA, Bibi ERICA MALASUSA amewaambia watoto hao kuwa licha ya changamoto za kukua kwa teknolojia ikiwemo matumizi ya runinga, redio, magazeti na intaneti, watoto wanatakiwa kumfanya Yesu Kristo kuwa ndiye mfano wao wa kuufuata.